«Бог ніколі не змучыцца нам прабачаць. Праблема ў тым, што нас мучыць прасіць Яго аб прабачэнні», — адзначыў Святы Айцец Францішак у сваім першым разважанні перад нядзельнай малітвай «Анёл Панскі» 17 сакавіка. На плошчы Св. Пятра сабралося каля 100 тысяч вернікаў.

«Для мяне наймацнейшае пасланне Пана — міласэрнасць», — адзначыў Святы Айцец Францішак падчас ранішняй літургіі 17 сакавіка ў парафіі Святой Ганны. Папа падкрэсліў прыгажосць сцэны з Евангелля, дзе гаворыцца аб сустрэчы Хрыста з жанчынай, злоўленай на чужаложстве.

Дэвіз, які меў сённяшні Пантыфік, яшчэ будучы арцыбіскупам Буэнас-Айрэса, — «Miserando atque eligendo» — гэта цытата з пропаведзі св. Беды (672–735), бэнэдыктынскага манаха, аўтара прац па экзэгетыцы, гісторыі і гамілетыцы. Выраз узяты з Пропаведзі 21, у якой святы каментаваў тэкст Евангелля паводле Мацвея 9, 9–13.

Плануецца, што на цырымонію інаўгурацыі новаабранага папы Францішка прыбудуць у Апостальскую Сталіцу дэлегацыі прыблізна 180 дзяржаў. Літургія з гэтай нагоды распачнецца на плошчы Св. Пятра 19 сакавіка, ва ўрачыстасць св. Юзафа, у 9.30 па італьянскім часе.

Святы Айцец патлумачыў, чаму абраў імя Францішак. 16 сакавіка ў Зале Паўла VI у Ватыкане Папа правёў сустрэчу з журналістамі.

Аб малітве за новаабранага папу Францішка просіць яго родная сястра Марыя. У размове з журналістамі яна прызналася, што вельмі непакоіцца аб сваім браце, а таксама ўзгадала пра сваю даўнюю сустрэчу з папам Янам Паўлам ІІ.

У наступную суботу, 23 сакавіка, папа Францішак наведае Кастэль Гадольфа, дзе сустрэнецца з Рымскім Пантыфікам на пенсіі Бэнэдыктам XVI. Аб гэтым паінфармавала Прэс-служба Апостальскай Сталіцы, якая прадставіла таксама план іншых мерапрыемстваў з удзелам Святога Айца ў бліжэйшыя дні.

15 сакавіка адбыўся неспадзяваны выезд папы Францішка за межы Ватыкана. Пантыфік наведаў аргенцінскага кардынала Хорхе Мэйя, які знаходзіцца ў клініцы Пія ХІ у Рыме.

Папа Францішак яшчэ не прыняў рашэння наконт папскага герба. Пра гэта паінфармаваў кіраўнік Прэс-службы Апостальскай Сталіцы кс. Фэдэрыка Ламбардзі. Святар паведаміў таксама, што Пантыфікам яшчэ не былі вернуты на свае пасады кіраўнікі ведамстваў Рымскай Курыі, якія пакінулі свае функцыі з заканчэннем Пантыфікату Бэнэдыкта XVI.

Кіраўнік Прэс-службы Апостальскай Сталіцы кс. Фэдэрыка Ламбардзі выказаўся наконт абвінавачванняў у адрас Святога Айца, якія пачынаюць распаўсюджваць некаторыя СМІ. Яны датычацца перыяду дыктатуры ў Аргенціне і заключаюцца ў тым, што кардынал Хорхе Марыа Берголіа, будучы правінцыялам Ордэна езуітаў, нібыта не абараніў двух братоў, выкрадзеных рэжымам.

Папа Францішак заахвоціў аргенцінскіх католікаў не прыязджаць у Рым на цырымонію яго інтранізацыі, а замест гэтага грошы аддаць бедным. Аб гэтым гаворыць Апостальскі Нунцый у Аргенціне арцыбіскуп Эміль Пауль Тшэрыг у пасланні да вернікаў краіны.

15 сакавіка папа Францішак сустрэўся з членамі Калегіі кардыналаў. Звяртаючыся да сабраных, Пантыфік падкрэсліў, што кардыналы з’яўляюцца братамі паміж сабой, а таксама звярнуў увагу, што актуальны перыяд мае для Касцёла вялікае значэнне.

Італьянская газета «Аvvenire» піша пра асабістыя ўпадабанні новаабранага Пантыфіка. У 22-гадовым узросце, пакінуўшы працу хіміка, Хорхе Берголіa адчуў пакліканне і ўступіў у навіцыят Ордэна езуітаў.

Папу Францішка ведаюць як чалавека вельмі непасрэднага і духоўнага, чалавека глыбокай малітвы, які сапраўды жыве езуіцкай духоўнасцю. З тых часоў, калі ён быў рэктарам семінарыі ў Аргенціне, яго помняць «вельмі адкрытым, які як фарматар многага патрабуе ад навучэнцаў, але ніколі не пакідае іх адных».

«Без крыжа мы можам быць святарамі, біскупамі, кардыналамі, Папамі, але не вучнямі Пана», — падкрэсліў новаабраны папа Францішак у імправізаванай гаміліі падчас сваёй першай святой Імшы як Рымскага Пантыфіка ў Сікстынскай капэле. У літургіі ўдзельнічалі 114 кардыналаў-выбаршчыкаў.

Папа Францішак будзе працягваць ісці экуменічным шляхам, як і яго папярэднікі, у тым ліку ў адносінах да праваслаўных вернікаў. Аб гэтым паведаміў 14 сакавіка падчас брыфінгу кс. Фэдэрыка Ламбардзі, кіраўнік Прэс-службы Апостальскай Сталіцы.

Гаворачы пра падзеі вечара 13 сакавіка, кіраўнік Прэс-службы Апостальскай Сталіцы кс. Фэдэрыка Ламбардзі адзначыў, што падчас выказвання кардыналамі павагі і паслухмянасці новаабранаму Пантыфіку ў Сікстынскай капэле папа Францішак стаяў, а не сядзеў, як гэта адбывалася на мінулых канклавах. Таксама святар паведаміў, што імя новага Папы пішацца «Францішак», а не «Францішак І».

Кардынал Хорхе Марыа Берголіа — папа Францішак — вядомы як рашучы праціўнік легалізацыі гомасексуальных саюзаў і абаронца сям’і. Аргенціна — першая краіна Лацінскай Амерыкі, дзе 22 ліпеня 2010 г. аднаполым парам было дадзена права ўступаць у шлюб і ўсынаўляць дзяцей.

Раніцай 14 сакавіка папа Францішак наведаў рымскую базыліку Санта Марыя Маджорэ (Маці Божай Большай). Прыкладна паўгадзіны новаабраны Пантыфік маліўся перад абразом Маці Божай Salus Populi Romani — Апякункі рымскага народа.